Ben — ideal er, besh yillik nikohdan keyin ham rafiqasi Vanessaga hanuz telbadek oshiq. Nikoh yilligiga romantik Ben misli ko‘rilmagan syurpriz tayyorlaydi va xotinining hayratini intizorlik bilan kutadi. Ammo u rafiqasi boshlig‘i bilan unga xiyonat qilayotganini bilib qolganida, uning olami chilparchin bo‘ladi. Kutilmagan ajralish Ben uchun juda og‘ir kechadi va u depressiyaga tushadi, undan chiqishga esa ajrashganlar uchun kurslar yordamida urinadi. U yerda u universitetdagi eski do‘sti Patrik bilan uchrashadi; ma’lum bo‘lishicha, u ham yaqinda ajrashgan. Ammo Bendan farqli o‘laroq, Patrik ajrashishda faqat afzalliklarni ko‘radi va bo‘sh vaqtini quvnoq o‘tkazishni istaydigan ajrashgan erkaklar uchun bo‘ydoqlar klubini tuzishni taklif qiladi.
