Akudama drayv

Kelajakning qattiqqo‘l Yaponiyasi. Tinch hayot kechiradigan yosh shaharlik qiz kelishmovchiliklar zanjiri natijasida «Akudama» nomi bilan tanilgan eng ashaddiy jinoyatchilar yig‘inida qolib ketadi. Ularning ko‘pi yuzlab yil qamoqqa hukm qilingan. Albatta ular omadsiz guvohni ayab o‘tirmaydi, shu bois qiz o‘zini ulardan biri qilib ko‘rsatadi. U “Firibgar” laqabini oladi. Undan tashqari, saralangan jinoyatchilar jamoasiga qo‘lga tushmaydigan Kuryer, qon muzlatguvchi Manyak, Mushtumzo‘r, Xaker, go‘zal Doktor va maqtanchoq Bezori kiradi. Ularning sirli ish beruvchisi qora mushuk-robot orqali buyruqlar berib, (anti)qahramonlarni davlat miqyosidagi mojaroga tortadi. Bu orada ularni “Qatlchilar” deb nomlanuvchi, yaxshi tayyorlangan huquq-tartibot posbonlari quvib bormoqda.