Yosh va kelishgan biznesmen Omer ichki va xalqaro bozorlarda yirik oʻyinchiga aylangan oʻz modellik agentligini yaratishda muvaffaqiyatga erishgan. U “oʻz ishiga jonini bergan” odamlar toifasidan boʻlib, bu hol uning gʻayratli xolasi Nerimanni mutlaqo qoniqtirmaydi. Ayol jiyanining oilaviy baxtini oʻzi hal qilishga ahd qiladi va baxtiga tanlangan qiz roliga munosib nomzod – kimsasiz, biroq juda yoqimtoy va kamtarin ofitsiantka Defnega duch keladi. Qizning oʻz tashvishlari ham yetarli: qarzga botib, mahalliy mafiya domiga tushib qolgan notogʻri yoʻldan ketgan ukasini qutqarish kerak.
Neriman Defneni yollaydi va unga koʻngil ovlash sirlarini oʻrgatadi, uyatchan oddiy qizni tez orada nafis xulq-atvorli qimmatbaho goʻzalga aylantiradi. Neriman hashamatli qasrni oʻziga qoldirish uchun Omerni bu ipak toʻrlarga ilintirmoqchi boʻladi. Melodrama janri qonuniyatlariga koʻra, vaqt oʻtishi bilan soxta muhabbat chinakam sevgiga aylanadi, ammo Omer va Defnening baxtga erishish yoʻli uzoq va mashaqqatli boʻladi. Buning ustiga, boshqa bir ayol ham biznesmenda oʻz manfaatlarini koʻzlaydi.
