Lin Yuy Szinning ota-onasi uzoq vaqtdan beri ajrashgan, ammo bir kuni onasi uni boshqa shaharga, otasinikiga yashash uchun yuboradi. Bu yerda yosh qahramon hamma narsa – yangi joyga, maktabga, oilaga noldan koʻnikishga majbur boʻladi.
Sinfda uning yonida oʻzining qiziqqon feʼl-atvori bilan tanilgan qovogʻi soliq yigit Shen Szyuan oʻtiradi. Ammo vaqt oʻtishi bilan, bir-birlarini yaxshiroq bilib olgach, ular kutilmaganda bir-birlarini yoqtirib qolishadi. Lin Yuy Szinning otasining ikkinchi turmushi borasidagi xavotirlari ham barham topadi. U oʻgay onasi va oʻgay akasidan oʻz uyida yetishmagan gʻamxoʻrlik hamda qoʻllab-quvvatlashni koʻradi.
Biroq onasi Lin Yuy Szinni ortga qaytarishga qaror qilganda, endigina topilgan osoyishtalik oʻtmishda qoladi. Bir yil oʻtgach, u universitetda yana Shen Szyuan bilan toʻqnash keladi, ammo qahramonlar ayriliq sababli uzilgan munosabatlarni tiklay olisharmikin?
Buni bilish uchun “Mening orzuyimsan” taʼsirli Xitoy doramasini ivi orqali onlayn tomosha qiling.
