Танысыңыздар, таңғажайып, сүйкімді және тынымсыз достар-монсиктер – Рей, Лола, Блюм және Саня. Олар мұхиттың ортасындағы ертегідей аралда, басқа Көңіл-Күй Аралдарының қоршауында өмір сүреді. Монсиктер эмоцияларын бақылаудан айырылған кезде, сиқырлы телепорт оларды әрдайым жағымды бола бермейтін алыс жерге жібереді. Мысалы, ашу мен ызадан монсик ыстық лаулаған Қаһар Вулканына, ал қара қызғаныштан – көңілсіз Батпаққа түсіп қалуы мүмкін. Бірақ бұл орын алса да, монсик қорықпауы керек. Ол сабыр сақтап, өзімен татуласқаннан кейін, содан соң айналасындағы адамдармен де татуласқаннан кейін үйге оңай жол табады.
