Байдың баласы (қазақ тілінде орысша субтитрлермен)

Бір кездері бір жатақханада тұрған екі ескі дос көп жылдан кейін қайта қауышады. Бірі — табысты әрі бай бизнесмен, екіншісі — тым қарапайым өмір сүретін еңбек адамы. Бірақ дәл осы қарапайым жан мақтанарлыққа толы: оның үлгерімі үздік вундеркинд ұлы, ақжарқын қызы және беделді жарыстарда жеңіп жүрген қос спортшы баласы бар. Ал байдың жалғыз ұлы Арман еш оқымайды, үлкендердің сөзін де тыңдамайды. Бизнесмен ерке баласын тәубесіне келтіру үшін оны көпбалалы досының үйінде қалдыруды жөн көреді. Осылайша «алтын балаға» жоқшылық көрген отбасының шаңырағына түсіп, өмірдің ең маңызды сабақтарын алуға тура келеді. «Байдың баласы» атты отбасылық комедияны Ивиден онлайн көре аласыз.