Солай болып қалды (Фильм, 2024)

Бақыт Шри-Ланкада арсыз әрі сараң коуч үшін жарнамалық роликтер түсіріп жүр еді. Бірақ көңілі толмаған бастығы оны бір күнде-ақ жұмыстан шығарып, бір тиын төлемеді. Енді Қазақстанға қайтар билетке ақша қайдан табылсын? Қалтасында көк тиыны жоқ Бақыт әуежайда жерлесі Жараспен танысады — ол әйелдердің жағажай волейболы бойынша құрамасының бас бапкері. Алайда қысқа таныстық ойда жоқ оқиғаға ұласып, екеуі ауруханаға түседі. Алғаш есін жиған Бақыт тәуекелге барып, өзін Жараспын деп таныстырады. Есіндегі олқылықтарды да, қателіктерін де жарақаттың салдары деп ақтап алуға болады. Рөлге кіре бастаған Бақыт команданы жеңіске жігерлендіргісі келеді, ал өзі сұлу команда капитанына ғашық болып қалады. «Солай болып қалды» қазақстандық комедиясын онлайн тамашалаңыз.