Ketrin Teyt

Ketrin Teyt (inglizcha Catherine Tate) – taniqli Britaniya kino aktrisasi. U 1968-yil 12-mayda London shahrida tug'ilgan. Unga bor-yo'g'i 6 oy bo'lganida, ota-onasi ajrashgan. Ketrin tarbiyasi bilan onasi va buvisi shug'ullanib, qizcha o'zini etishmovchilikni his qilmasligi uchun hamma narsani qilishga harakat qilishgan. Ketrin Londonning janubiy qismida joylashgan Notre Dame High katolik qizlar maktabiga o'qishga kirgan. O'z xarakteri bo'yicha Ketrin Teyt juda uyatchan va qo'rqoq bo'lgan, shuning uchun sinfdoshlar doimiy ravishda unga haqorat qilishgan va kulishgan. Aynan maktabda o'qib yurgan vaqtda Ketrin aktrisa bo'lishga qaror qilgan. U London Universiteti dramatikasi maktabiga 4 yil ketma-ket kirishga urinib, faqat o'z qattiqqanligi tufayli qabul qilingan va talaba bo'lgan. Birinchi marta televideniyeda aktrisa 1984-yilda "Chisto inglizcha qotillik" teleserialida suratga tushgan. Keyin, 2004-yilda, Ketrin Teyt o'zining "Ketrin Teyt shousi" komediya sketchni dasturida paydo bo'lgan, u yerda u barcha asosiy rollarni o'ynagan, shuningdek, ssenariylarni o'zi yozgan. Ushbu dastur 2007-yilgacha efirga chiqqan va Teytga mashhurlik, muvaffaqiyat va talabni olib kelgan. O'zining shou dasturida ishlagan vaqtida aktrisa "Doktor Kim" serialida ham ishtirok etgan, u 2005-2008-yillarda televideniyeda efirga chiqqan. Shuningdek, 2005-yilda Ketrin Teyt ishtirokida "Miss Marpl: Qotillik e'lon qilingan", "Sovuq uy" kabi kinofillmlar chiqqan. Hatto 2005-yilda aktrisa "British Comedy Award" mukofotiga televideniyedagi eng yaxshi komediya aktrisasi sifatida nomzod qilib ko'rsatilgan. Ketrin Teytning aktyorlik karerasidagi birinchi muhim roli 2006-yilda "Sevgi va boshqa falokatlar" filmida taklif qilingan. Keyinchalik uning ishtirokida "To'g'ri o'qqa tushish" (2006), "Yomon onaning kundaligi" (2007), "Missis Ratkliff inqilobi" (2007) kabi komediya filmlari chiqqan. 2010-yilda Ketrin "Gulliver sayohati" filmida suratga tushgan, 2011-yilda esa "Monte-Karlo" filmida Elisiya rolini o'ynagan. Hozirda aktrisa London shahrida fuqarolik nikohidagi eri Twig Klark bilan yashaydi va ular 2003-yilda dunyoga kelgan qizi Erinni tarbiyalamoqdalar.