Dilan Beyker

Dilan Beyker (inglizcha Dylan Baker) – taniqli amerikalik aktyor. Dilan Beyker 1959-yil 7-oktabrda Nyu-York shtatidagi Siraqyus shahrida tug'ilgan. Uning tug'ilgandan keyin oilasi Virjiniya shtatidagi Lingburg shahriga ko'chib ketgan. O'spirinligida u mahalliy teatr sahnasida chiqish qilgan. Yoshligida u "College of William and Mary" (Virjiniya), "Georgia Tech" (Jordjiya), "Southern Methodist University" (Teksas) kollejlari va Yel drama maktabida o'qigan. Uning Brodveydagi debyuti o'tgan asrning sakkizinchi o'n yilligining boshlarida bo'lgan. Tomoshabinlar uni "Eastern Standard", "Mauritius", "La Bête", "God of Carnage" spektakllarida ko'rishgan. 1986-yilda "Not About Heroes" spektaklidagi ajoyib ishi uchun Dilan Beyker "Obie Award" mukofoti bilan taqdirlangan. Kinochilikdagi birinchi rollari sakkizinchi o'n yillikning ikkinchi yarmida bo'lgan. Uning birinchi e'tirof etilgan filmlari orasida rejissyor Jon Xyuz (John Hughes) tomonidan suratga olingan "Planes, Trains and Automobiles" filmi bor. Keyingi yillarda u mashhur seriallarda tez-tez chiqqan, masalan, "Murder One", "CSI: Crime Scene Investigation", "Law & Order: Criminal Intent", "The West Wing", "Without a Trace" va sitkom "The Pitts". 1998-yilda rejissyor Tod Solondz (Todd Solondz)ning "Happiness" qora komediyasidagi murakkab pedofil roli bilan tanqidchilarning diqqatini jalb etgan. Shuningdek, "Spider-Man 2" va "Spider-Man 3" kassa filmlaridagi ishlari e'tirof etilgan. 2007-yilda u Rayan Eslinger (Ryan Eslinger)ning "When A Man Falls in the Forest" dramasida ishtirok etgan, bu filmda uning hamkorlari Sharon Stoyn (Sharon Stone) va Timoti Xatton (Timothy Hutton) kabi taniqli aktyorlar bo'lgan. So'nggi yillarda Dilan Beyker kino va televidenieda faol ishlamoqda, uning oxirgi rollaridan biri 2010-yilda "Secretariat" filmida bo'lgan.