Emirald Fennel

Emerald Fennell – ssenariy muallifi, rejissyor, prodyuser va aktrisa, "Oltin Globus" va "Emmi" mukofotlariga nomzod bo'lgan. U kino hamda televidenieda o'zini eng yaxshi tomondan ko'rsatgan. "Umid bag'ishlovchi qiz" filmining ssenariysi 2018 yilda "Qora ro'yxat"da eng yuqori o'rinlarni egallagan. Fennell "Korona" serialining uchinchi mavsumida Kamil Parker Boulz rolida ko'rinadi. U "Ular Eyni o'ldirmoqda" serialining ikkinchi mavsumining bosh ssenariy muallifi bo'lgan. Ushbu ish uchun u "Oltin Globus"ga nomzod qilingan. Hozirda Fennell Endryu Lloyd Uebber bilan birga "Zolushka" myuziklining ssenariyini yozmoqda. Fennell ssenariy muallifi va rejissyori sifatida "Careful How You Go" qisqa metrajli filmi bilan 2019 yilda Sandeans kinofestivalida debyut qilgan. Avvalroq u "Space Bound" serialining pilot epizod ssenariyini Fox studiyasiga sotgan. Geyl Berman loyihani prodyuserlik qilishni o'z zimmasiga olgan. Fennell o'zining uchta romanini nashr etgan: "Shiverton Hall", uning davomi "The Creeper" va 2017 yilda Karneggi medali uchun nomzod bo'lgan "Monsters". Kitoblar tanqidchilar tomonidan iliq qabul qilingan va hamkasblari, jumladan Roald Dahl va Bret Istern Ellis tomonidan yuqori baholangan. Aktrisa sifatida uning to'liq metrajli filmlardagi ishlaridan "Daniya qizi", "Pen: Netlandiyaga sayohat" va "Anna Karenina" filmlaridagi rollari alohida e'tiborga sazovor.