Klark Spenser

Klark Spenser - Walt Disney Animation Studiosning prezidenti. U studiya va ishlab chiqarishning barcha jihatlarini boshqaradi va bosh kreativ direktor Jenniyer Li bilan hamkorlik qiladi. 2019-yil avgust oyida prezident lavozimini egallashdan oldin, Spenser beshta to'liq metrajli filmining prodyuseri bo'lib, ular "Oskar" mukofotiga nomzod bo'lgan va 2016-yilda "Zveropolis" megaxiti uchun Amerika kino akademiyasi mukofotini olgan. Spenserning boshqa prodyuserlik loyihalari orasida "Lilo va Stich", "Volt", "Ralf" va "Ralfga qarshi Internet" kabi hammaga yoqadigan filmlar bor. Spenser, shuningdek, "Zveropolis" va "Ralf" uchun Amerika Prodyuserlar Gildiyasining "Eng yaxshi animatsion film" kategoriyasida ikki mukofot olgan. Oxirgi uch o'n yillikda Spenser Disney Animationda turli rahbarlik lavozimlarini egallagan. U 1990-yil iyul oyida Disney jamoasiga katta biznes-rejachisi sifatida moliya va rejalashtirish bo'limiga qo'shilgan va keyinchalik 1991-yilda studiya rejalashtirish menejeri va 1992-yilda studiya rejalashtirish va moliya direktori lavozimlariga ko'tarilgan. 1993-yilda Spenser Disney Animation jamoasiga rejalashtirish bo'limi direktori sifatida qo'shilgan va tez orada rejalashtirish va moliya bo'yicha vitse-prezident lavozimiga ko'tarilgan. The Hollywood Reporter 1995-yilda "35 yoshgacha bo'lgan yosh rahbarlarning keyingi avlodlari" reytingiga Spenserni kiritgan. 1996-yilda u Walt Disney Animation Studiosning moliya va operatsiyalar bo'yicha katta vitse-prezident lavozimiga ko'tarilgan. Bu lavozimni u 1998-yil sentyabr oyida Florida shtatidagi Disney animatsion studiyasiga ko'chib ketguncha egallagan. Floridada Spenser studiya ishlab chiqarishining barcha jihatlarini boshqaruvchi katta vitse-prezident va umumiy menejer lavozimini egallagan. 1999-yilda Spenser Florida studiyasida suratga olingan ikkinchi animatsion film "Lilo va Stich"ning ishlab chiqarishiga jalb qilingan, keyinchalik u "Oskar" mukofotiga nomzod bo'lgan. Ushbu superhit film Walt Disney kompaniyasining franchizasiga aylangan va uchta DVD davomi, animatsion serial va hozirgacha mashhur qahramonlarni yaratgan. 2002-yilda Spenser Kaliforniya shtati, Berbankdagi animatsion studiyaga "Robinsonlar oilasiga tashrif" filmining ijrochi prodyuseri sifatida qaytib kelgan. Keyinchalik u Disneyning 2008-yilda "Oskar"ga nomzod bo'lgan "Volt" filmining prodyuseri bo'lgan. Vashingtonga, Syetl shahrida tug'ilgan Spenser 1985-yilda Garvard universitetini tarix bo'yicha bakalavr darajasi bilan tugatgan. U Uol-stritda Bankers Trust kompaniyasida moliyaviy xodim sifatida uch yil ishlagan, keyinchalik Garvard biznes maktabiga qaytib, 1990-yilda biznesni boshqarish bo'yicha magistr darajasini olgan.