Robert Teylor

Robert Teylor (inglizcha Robert Taylor, haqiqiy ismi - Spengler Arlingon Braff, inglizcha Spangler Arlington Brugh) – amerikalik aktyor. 1911-yil 5-avgustda AQSHning Nebraskan shtatida tugʻilgan. 1969-yil 8-iyunda Kaliforniya shtatining Santa-Monika shahrida vafot etgan. Robert Teylor 1934-yilda kino suratga olishni boshladi va karyerasining birinchi 10 yilida katta mashhurlikka erishdi. Jorj Kyukorning 1936-yilda ekranga chiqqan "Dama s kameliyalar" filmi aktyorga birinchi katta shuhratni olib keldi. Uning qahramoni – romantik va hissiy yosh Arman Dyuveyl – zudlik bilan tomoshabinlarning yuraklarini zabt etdi. 1938-yilda Teylor Remarkning "Uch doʻst" romanining ekranganasiida Erih Lokamp rolini oʻynadi. Oʻsha yili aktyor Richard Torpning "Sakkizinch raund" sport dramasida bokschi qahramonni yorqin va tragik tarzda tasvirlab berdi. Katta muvaffaqiyat bilan 1940-yilda Mervin Le Roy rejissyorining Teylor ishtirokidagi "Voterloo koʻprigi" filmi namoyish etildi. Urushning qiyinliklarini va sinfiy oldindan qarashlarni yengib oʻtgan oshiq ofitserning qiyofasi, Evropani Ikkinchi Jahon urushi dovullarini silkitgan oʻsha yillarda jonli javob topdi. Filmining muvaffaqiyati va Robert Teylorning ajoyib oʻyini rejissyorning aktyor bilan hamkorlikni davom ettirishga undadi. Natijada Mervin Le Roy oʻsha yili "Qochish" filmni chiqardi va keyinchalik yana ikkita filmni suratga oldi – 1942-yilda "Jonni Eger" va 1951-yilda "Kamo gryadeshi". 1944-yilda romantik "Rossiya qoʻshigʻi" filmida Teylorning qahramoni, amerikalik musiqachi Jon Meredith, Chaykovski asarlarini ijro etish uchun SSSRga keladi. U qiz Nadia bilan oshiq boʻladi, ammo urush boshlangani sababli uning rejalari oʻzgaradi. 1950-yillarda rejissyor Richard Torp yana Robert Teylorni Valter Skottning "Aivengo" va "Kventin Dorvard" romanlari asosidagi ikkita kostyumli filmda bosh rollarni oʻynashga taklif qildi. Bundan tashqari, 1959-62-yillarda mashhur "Detektivlar" teleserialida u bosh rolni ijro etdi. Robert Teylorning soʻnggi yirik ishlaridan biri 1958-yilda "Devichnik" dramasida bosh rolni oʻynashi va 1959-yilda "Kilimanjaro qotillari" sarguzasht filmida Robert Adamson rolini tasvirlashi boʻldi.