Sofiya Rotaru

Sofiya Rotaru (to'liq ismi - Sofiya Mixaylovna Evdokimenko-Rotaru) - mashhur sovet, rossiya, ukraina va moldaviya xonandasi va aktrisasi. 1947-yil 7-avgustda tug'ilgan. Doimiy ravishda Yalta va Kiyev (Ukraina) shaharlarida yashaydi. Uning ovozi soprano. Sovet estrada jahonida bir nechta yangiliklarning kashfiyotchisi hisoblanadi - masalan, Sofiya Rotaru birinchi bo'lib sovet xonandalari orasida retsitativ bilan qo'shiq aytgan (tanqidchilar tomonidan turli baholanadigan "Mening vatanim" qo'shig'i birinchi sovet rapi hisoblanadi), o'z kompozitsiyalarining musiqiy aranjirovkasida ritm-kompyuterni ishlatishga kelgan. Xonandaning repertuari o'z ichiga turli tillarda (rus, ukraina, moldav, ingliz, serb, bulgar, polyak, nemis, ispan va italyan) to'rtta yuzdan ortiq qo'shiqlarni oladi. Ko'p sovet ijrochilaridan farqli o'laroq, Sofiya Rotaru nafaqat Rossiya va sobiq SSSR davlatlarida, balki butun dunyo bo'ylab katta muvaffaqiyatlarga erishgan. G'arbdagi ijrochilar uni mashhur grek xonandasi Nana Muskuriga (Nana Muscuri) qiyoslagan. O'z karerasi davomida Sofiya Rotaru turli faxriy unvonlar va mukofotlarga bir necha marta sazovor bo'lgan - ham sovet davrida, ham undan keyin. 1973-yilda unga Ukraina SSRning faxriy artisti unvoni berilgan, 1976-yilda - Ukraina SSR xalq artisti, 1983-yilda - Moldaviya SSR xalq artisti, 1988-yilda - SSSR xalq artisti bo'lgan. Rotaru Lenin komosomoli mukofoti, SSSRning "Faxriy belgisi" va "Xalqlar do'stligi" ordenlari, ko'plab ukraina ordenlari va Moldaviyaning "Respublika ordeni" bilan taqdirlangan, shuningdek, Ukraina qahramoni hisoblanadi. 2000-yilda Ukrainaning Oliy akademik kengashi Rotaruni XX asrning eng yaxshi estrada xonandasi deb topgan. 2003-yildan 2010-yilgacha Sofiya Rotaru o'z qo'shiqlari uchun har yili "Oltin grammofon" mukofotini olgan. Sofiya Rotaruning birinchi albomi 1972-yilda chiqqan. Oxirgi disk "Men orqaga qaytmayman" nomi bilan 2010-yilda chiqqan. Jami xonanda to'rtta o'nlab studiya albomlari va xitlar to'plamlarini yozgan.