1936-yil 29-martda Perm viloyatidagi Berezniklar shahrida tugʻilgan. Uning tugʻilgan yilida otasi otib oʻldirilgan.
1958-yilda Stanislav Govoruxin Qozon universitetini tamomlagan va geolog mutaxassisi boʻlgan. Bir muddat oʻz kasbida ishlagan, keyin Qozon televizion studiyasida jurnalist, keyinchalik rejissyor boʻlgan.
1967-yilda VGIKning (rejissyorlik fakulteti)ni tamomlagan va taqsimot boʻyicha Odesa kino studiyasiga yuborilgan. Uning birinchi rejissyorlik ishlaridan "Vertikal" (1967-yil), "Robinson Kruzoning hayoti va hayratlanarli sarguzashtlari" (1972-yil), "Uchrashuv joyini oʻzgartirib boʻlmaydi" (1979-yil), "Tom Soyer va Geklberri Finnning sarguzashtlari" (1981-yil), "Kapitan Grantni qidirishda" (1985-yil), "Oʻn negr" (1987-yil) kabi filmlar ajralib turadi.
1987-yilda Stanislav Govoruxin mashhur vatan kino koncerni "Mosfilm"ning xodimi boʻlgan va tez orada SSSR kino ijodkorlari ittifoqining aʼzolari qatoriga kirgan. 1988-yilda rejissyor Odesadagi "Oltin Dyuk" xalqaro kino festivalini tashkil etishda ishtirok etgan. 80-yillarning oxiri va 90-yillarning boshlarida rejissyor hujjatli kino janriga murojaat qilgan va "Shunday yashash mumkin emas", "Hujum", "Aleksandr Soljenitsin", "Yoʻqotgan Rossiyamiz" kabi filmlarni suratga olgan. Uning koʻplab hujjatli ishlar katta rezonansga sabab boʻlgan.
Stanislav Govoruxin oʻzining va boshqalarning filmlari uchun ssenariylar yozish bilan ham shugʻullanardi. Unga "Oq portlash", "XX asrning qaroqchilari", "Tom Soyerning sarguzashtlari", "Voroshilov otishmasi", "Rus isyonlari", "41-yilning iyunida" va boshqa koʻplab filmlar ssenariylari tegishli.
Shuningdek, Stanislav Govoruxin sovet va rossiya tomoshabinlari uchun aktyorlik ishlari bilan ham xotirada qolgan. U Sergey Solovyovning "Assa", Todorovskiy "Ankor, yana ankor!", Leonid Filatovning "Sukini bolalar", "Ayolni baraka qiling", Bondarchukning "9 rota" kabi mashhur filmlarda va yana oʻnlab filmlarda suratga tushgan.
Stanislav Govoruxin bir necha kitob yozgan, teatr spektakllarini qoʻygan, shuningdek, mamlakatning siyosiy hayotida faol ishtirok etgan.
