Taissa Farmiga

Taissa Farmiga (inglizcha Taissa Farmiga) - amerikalik aktrisa. U Nyu-Jersi shtatining Uaythaus Steyshen shahrida, 1994-yil 17-avgustda tug'ilgan. Taissaning onasi, Lyubov Farmiga, maktab o'qituvchisi, va otasi, Mixail Farmiga, kompyuter tizimlari analitigi. Uning 6 ta katta aka-ukasi bor, eng kattasi Vera Farmiga ham aktrisa bo'lib, "Oskar" mukofotiga nomzod bo'lgan. Taissa Amerikada tug'ilgan va o'sgan bo'lsa-da, uning ota-onasi ukrainalik bo'lib, butun umrini Ukrainada o'tkazgan. Taissa ukrain tilini yaxshi tushunadi, ammo talaffuzda biroz qiyinchiliklarga duch keladi. Dastlab Taissa aktrisa bo'lishni o'ylamagan. Ammo katta opasi Vera ta'siri ostida u Veraning "Higher Ground" filmida suratga tushgan. Ushbu film "Sundance" kinofestivalida namoyish etilgan. Filmning premyerasidan so'ng, Vera Farmiganing rejissyorlik debyuti sifatida tan olingan mustaqil kinoda Taissa bu yo'nalishda o'zini rivojlantirishga qaror qilgan. Yangi rollar tez orada paydo bo'ldi. 2011-yilda unga "Amerika dahshat tarixi" teleserialida Violet Harmon rolini taklif qilishdi. Keyingi yilda u boshqa loyihada ishtirok etdi. Bu safar rejissyor Sofiya Koppola bo'lib, "Elita jamiyati" filmida suratga tushgan. Keyinchalik "Middleton", "Eksrasens 2: Aql labirintlari" va "Deymsi" kabi filmlar paydo bo'ldi. 2015-yilda Taissa Farmiga ishtirokidagi 4 ta film chiqishi rejalashtirilgan. Taissaning filmografiyasi hali kichik bo'lsa-da, uning talanti endi ochila boshlaganligi sababli, yaqin kelajakda muxlislarini ko'plab filmlar va seriallar bilan xursand qilishi mumkin.