Uning tug'ilganidan keyin oilasi oʻsha shtatdagi boshqa shahar – Vayomissingga koʻchib ketgan. Teylor Sviftning onasi uy bekasi boʻlgan, otasi moliyaviy sohada ishlagan. Musiqaga boʻlgan muhabbatini u buvisi orqali olgan, u opera qoʻshiqxchisi boʻlib, nevarasining iste'dodini rivojlantirishni qoʻllab-quvvatlagan. Qiz bolakay sahnadan qoʻrqmas va mahalliy festivallarda, yarmarkalarda tez-tez chiqish qilgan, 10 yoshidan gitara chalishni oʻrgangan. 2001-yilda u Filadelfiya oʻyinlarining ochilish marosimida AQSH gimnini ijro etgan – bu juda sharaflik va mas'uliyatli rol edi. Oʻsha vaqtda Teylor 12 yoshda edi. 14 yoshida kelajakdagi yulduz Neshvillga, kantri musiqasining poytaxtiga koʻchib ketgan va 2006-yilda oʻzining birinchi albomi "Taylor Swift"ni chiqargan.
2008-yilda Teylor Sviftning ikkinchi albomi "Fearless" chiqqan, u katta tijorat muvaffaqiyatiga erishgan va qoʻshiqxchiga 4 ta "Grammi" mukofotini olib kelgan. Tez orada televidenie prodyuserlaridan takliflar kelib tushgan. Avvaliga Teylor "Saturday Night Live" sketsh-shousida paydo boʻlgan, keyin "C.S.I. Crime Scene" kabi mashhur jinoiy serialda va "Hannah Montana" yoshlar serialida epizodik rollarda oʻynagan. Nihoyat, 2010-yilda Teylor Garri Marshalning "Valentine's Day" romantik komediyasida asosiy rollardan birini olgan. Filmda uning sevgilisi rolini oʻzining hamkasbi – Teylor Lautner oʻynagan, u "Twilight" sagasidan keyin mashhur boʻlgan. Oshiqlashgan maktab oʻquvchisi rolini Teylor uchun juda oson boʻlgan, bundan tashqari, rol komediya qobiliyatlarini koʻrsatishga imkon bergan.
2012-yilda ekranga "The Lorax" toʻliq metrajli animatsion filmi chiqqan, uning yaratilishida Teylor Svift ishtirok etgan. Uning ovozi bilan animatsion filmdagi qahramonlardan biri – qiz bolakay Odri gapirgan.
Ba'zida rollar oʻz-oʻzidan Teylorning oldiga kelib tushadi. 2014-yilda AQShda "The Giver" fantaziya dramasi premyerasi boʻlgan. Film yaratuvchilari Los-Anjelesdagi Teylorning kontsertida boʻlib, bir haftadan keyin unga suratga olishda ishtirok etishni taklif qilganlar. Natijada u Rozmari rolini ijro etgan.
