Mehribon oilaparvar ota va namunali maxsus kuchlar askari Jeyms Harper jarohatini davolashda taqiqlangan preparatlardan foydalangani uchun majburan iste’foga chiqariladi. Unga na pensiya to‘lovi, na sug‘urta tegishli, biroq ortida qarzlar va yaqinlari oldidagi majburiyatlar uyumi qoladi. Bunga baholanmagan xizmati uchun hafsalasi pir bo‘lishi va ranjish hissi qo‘shiladi. Shunga qaramay, Jeymsga ishlarini yo‘lga qo‘yish uchun imkoniyat tushadi. Eski do‘sti namunasiga ergashib, u faxriylarni yollayotgan sirli harbiy tashkilot bilan bog‘lanadi. Ular o‘zlarini Mudofaa vazirligining pudratchilari deb atashadi. «Tez, ishonchli, qurol faqat eng zarur holatda», – chet elga qisqa topshiriqqa yuborishdan oldin Jeymsga va’da qiladilar. Ularning guruhiga terrorchilar uchun biologik qurol ishlab chiqayotgan olimni zararsizlantirish topshiriladi. Ammo joyiga yetgach, Jeyms bu operatsiyaning asl maqsadini shubha ostiga qo‘yadi. Ma’lum bo‘lishicha, uning eng qiyin qismi – uyga qaytish.
